கொங்க வெள்ளாளர் கல்யாண முறை அன்றும், இன்றும்

கொங்கு வேளாளர் கல்யாண முறை அன்றும், இன்றும் :

ஆரம்ப காலத்தில் தாய் மாமன் மகளையோ, அக்கா மகளையோ தான் கட்டி வைப்பார்கள். பிறகு, பெயர் பொருத்தம் மட்டும் பார்த்து கல்யாணம் செய்து வந்தனர், அப்புறம் ஜாதகம் என்ற விஷம் உள்ளே பரவியவுடன்., செவ்வாய் இருந்தால் கூடாது, ராகு, கேது இருந்தால் செய்ய கூடாது.. அந்த நட்சத்திரம் ஆகாது, இந்த நட்சத்திரம் ஆகாது என்று ஜோதிடம் பார்க்கும் பழைப்புவாதிகள், நமது பணத்தை வாங்கி, நமது மரபிற்கே கேடு விளைவிக்கிறார்கள். இதன் விளைவு, இன்று பலர் திருமணம் ஆகாமல் சன்னியாசி வாழ்க்கை வாழ்கின்றனர். இது தொடர்ந்தால், பெருபான்மை சமூகமாக வாழ்ந்த நம் கொங்கு வேளாளர் இனம், சிறுபான்மை சமூகமாக மாறும் நாள் வெகு தூரத்தில் இல்லை. சிலர் ஜாதி மாறி திருமணம் செய்து நம் இனத்தையே கேவலபடுத்துகின்றனர்.

பண்டைய மரபு :

ஒவ்வொரு கூட்டத்திற்க்கும் சில கூட்டத்திற்குள் தான் பெண் எடுத்து பெண் கொடுப்பார்கள்.

பட்டகாரர்கள், பட்டகார்களுக்குள்ளும்,

காணியாளர்கள், காணியாளர்க்குள்ளும்,

ஊர்கவுன்டர்கள், ஊர்க்கவுன்டர்கள்க்குள்ளும்,

குடியானவர்கள், குடியானவர்களுக்குள்ளும் தான் பெண் எடுப்பார்கள்,

இன்றும் பல கிராமங்களில் இதே வழக்கம் தொடர்ந்து வருகிறது. ஆனால்,

நகரத்தில் வசிப்பவர்கள் இதையெல்லாம் பார்பத்தில்லை.

ஆனால், இன்றோ பணம் நமது மரபுகளை அழித்து கொண்டு இருக்கிறது.

பணம், சொந்த பந்தத்துக்குள் ஏற்ற தாழ்வை ஏற்படுத்தி விட்டது..

பெண் வீட்டிற்க்கும், மாப்பிள்ளை வீட்டிற்க்கும் நடுவே கருத்துக்களை பரிமாறிக்கொள்ள தானவதிகாரர் மூலம் கோவிலில் வைத்தோ, கிராமங்களில் தண்ணீர் எடுக்க செல்லும் போதோ பெண்ணை, மணமகன் பார்க்க வைப்பார்கள். பெண் பார்க்க செல்லும் போது பூனை, பாம்பு குறுக்கே வர கூடாது, விறகு வெட்டுபவன், நாசுவன், விதவை பெண் எதிரே வந்தால், அதை கெட்ட சகுனமாக கருதி அந்த திருமணத்தை வேண்டாம் என்று சொல்லிவிடுவார்கள்.

வண்ணான் மற்றும் கழதை எதிரே வந்தால், அதை நல்ல சகுனமாக கருதி கல்யாணத்தை உறுதி செய்வார்கள். பின்பு ஒரு நல்ல நாள் பார்த்து,  நிச்சியதார்த்த புடவை மற்றும் நகை எடுப்பார்கள்.

எப்போதுமே பெண் வீட்டில் தான் நிச்சிய தாம்பூலம் நடைபெற வேண்டும். இன்றோ பலர் கல்யாணத்திற்கு முந்தின நாள், மண்டபத்தில் கடமைக்கு செய்கிறார்கள். இப்படி செய்வது முறையற்றது.

கொங்கு வெள்ளாளர் திருமண மங்கள வாழ்த்து

கம்பர் எழுதிய

கொங்கு வெள்ளாளர் திருமண மங்கள வாழ்த்து :

நல்ல கணபதியை நாளும் தொழுதக்கால்
அல்லல்வினை எல்லாம் அகலுமே - சொல்லரிய
தும்பிக்கை யானைத் தொழுதால் வினைதீரும்
நம்பிக்கை உண்டே நமக்கே விநாயகனே.

அலைகடல் அமிழ்தம் ஆரணம் பெரியவர்
திங்கள் மும்மாரி செல்வம் சிறந்திடக்
கந்தன் இந்திரன் கரிமா முகத்தோன்
சந்திர சூரியர் தானவர் வானவர்
முந்திய தேவர் மூவருங் காத்திட
நற்கலி யாணம் நடந்திடும் சீர்தனில்
தப்பிதம் இல்லாமல் சரசுவதி காப்பாய்!
சீரிய தினைமா தேனுடன் கனிமா
பாரிய கதலிப் பழமுடன் இளநீர்
சக்கரை வெல்லம் தனிப்பலாச் சுளையும்
மிக்கதோர் கரும்பு விதவிதக் கிழங்கு
எள்அவல் நெற்பொரி இனித்த பாகுடன்
பொங்கல் சாதம் பொரிகறி முதலாய்
செங்கை யினாலே திரட்டிப் பிசைந்து
ஆரமுது அருந்தும் அழகு சிறந்த
பேழை வயிற்றுப் பெருமதக் களிறே
அடியேன் சொல்லை அவனியில் குறித்துக்
கடுகியே வந்தென் கருத்தினில் நின்று
நினைத்த தெல்லாம் நீயே முடித்து
மனத்துயர் தீர்ப்பாய் மதகரி சரணம்!
மங்கல வாழ்த்தை மகிழ்ச்சியாய் ஓத
என்குரு நாதன் இணையடி போற்றி
கிரேதா திரேதா துவாபர கலியுகம்
செம்பொன் மகுடம் சேரன் சோழன்
பைம்பொன் மாமுடிப் பாண்டியன் என்னும்
மூன்று மன்னர் நாட்டை ஆள்கையில்
கருவுரு வாகித் திருவதி அவள்புகழ்
சிறந்த மானிடம் தாயது கருப்பம்
வாழ்வது பொருந்திச் சிறந்திடுங் காலம்
இந்திரன் தன்னால் இங்குவந்த நாளில்
பக்குவம் ஆகிப் பருவங் கொண்டு
திக்கில் உள்ளோர் சிலருங் கூடி
வேதியன் பக்கமே விரைவுடன் சென்று
சோதிடனை அழைத்துச் சாத்திரங் கேட்டு
இந்த மாப்பிள்ளை பேர்தனைக் கூறி
இந்தப் பெண்ணின் பேர்தனைச் சொல்லி
இருவர் பேரையும் இராசியில் கேட்டுக்
கைத்தலம் ஓடிய இரேகைப் பொருத்தம்
ஒன்பது பொருத்தம் உண்டெனப் பார்த்துத்
தாலிப் பொருத்தம் தவறாமல் கேட்டு
வாசல் கௌலி வலிதென நிமித்தம்
தெளிவுடன் கேட்டுச் சிறியோர் பெரியோர்
குறிப்புச் சொல்லும் குறிப்புரை கேட்டு
உத்தம பாக்கியம் தச்சனைக் கேட்டுப்
பொருந்தி இருத்தலால் பூரித்து மகிழ்ந்து
சிலபேர் உடனே சீக்கிரம் புறப்பட்டு
வெண்கல முரசம் வீதியில் கொட்டத்
தங்க நகரி தானலங் கரித்து
முற்றமும் மனையும் முத்துகள் பரப்பிச்
சித்திரக் கூடம் சிறக்க விளக்கி
உரியவர் வந்தார் உன்மகளுக் கென்று
பிரியமுடன் வெற்றிலை மடிதனில் கட்டி
நாளது குறித்து நல்விருந்து உண்டு
பூட்டு தாலிக்குப் பொன்னது கொடுத்து
வாழ்வது மனைக்கு மனமகிழ வந்துமே
கற்றோர் புலவர் கணக்கரை அழைத்துத்
தேம்பனை யோலை சிறக்கவே வாரித்
திசைதிசை எங்கும் தென்னவரை அனுப்பிக்
கலியாண நாளைக் கணித்துஅறி வித்தார்
பாங்குடன் முகூர்த்தப் பாலக்கால் நாட்டித்
தென்னம் குலையும் தேமாங் கொத்தும்
பந்தல்கள் எங்கும் பரிவுடன் தூக்கி
வாழை கமுகு வளர்கூந் தற்பனை
மாவிலைத் தோரணம் மகரத் தோரணம்
சோலை இலையால் தோரணங் கட்டி
மூத்தோர் வந்து மொழுகி வழித்துப்
பார்க்குமிடம் எங்கும் பால்தனைத் தெளித்துப்
பெண்டுகள் வழங்கும் பெரிய கலத்தைக்
கொண்டு வந்ததனைக் குணமுடன் விளக்கி
நேரிய சம்பா அரிசியை நிறைத்துப்
பாரிய வெல்லம் பாக்கு வெள்ளிலை
சீருடன் நெய்யும் தேங்காய் பழமும்
வாரியே வைத்து வரிசை குறையாமல்
முறைமை யதாக முக்காலி மேல்வைத்து
மணம் பொருந்திய மாப்பிள்ளை தனக்குக்
குணம் பொருந்திய குடிமகனை அழைத்துத்
தெள்ளிய பாலால் திருமுகம் துடைத்தபின்
அரும்பிய மீசையை அழகுற ஒதுக்கி
எழிலுடை கூந்தலுக்கு எண்ணெய் தனையிட்டுக்
குணமது சிகைக்காய் கூந்தலில் தேய்த்து
ஏழு தீர்த்தம் இசைந்திடும் நீரை
மேள முடனே விளாவியே வார்த்துச்
செந்நெல் சோற்றால் சீக்கடை கழித்து
வண்ணப் பட்டுடை வத்திரந் தன்னை
நெருங்கக் கொய்து நேர்த்தியாய் உடுத்தி
மன்னவர் முன்னே வந்தவ ருடனே
வாசல் கிளறி மதிப்புடன் கூட்டிச்
சாணங் கொண்டு தரைதனை மெழுகிக்
கணபதி தன்னைக் கருத்துடன் நாட்டி
அருகது சூடி அருள்பொழிந் திடவே
நிரம்பி யதாக நிறைநாழி வைத்து
வெற்றிலை பழமும் விருப்புடன் வைத்து
அலைகடல் அமுதம் அவனியின் நீரும்
குழவிக்குக் கங்கணம் குணமுடன் தரித்து
முளரி மெச்சிட முகமது விளங்கிடக்
களரி வைத்துக் காப்பது கட்டிக்
குப்பாரி கொட்டிக் குலதேவதை அழைத்துச்
செப்பமுடன் மன்னவற்குத் திருநீறு காப்பணிந்து
சாந்து புனுகு சவ்வாது பன்னீரும்
சேர்த்துச் சந்தனம் சிறக்கவே பூசிக்
கொத்தரளி கொடியரளி கோத்தெடுத்த நல்லரளி
முல்லை இருவாச்சி முனைமுறியாச் செண்பகப்பூ
நாரும் கொழுந்தும் நந்தியா வட்டமும்
வேரும் கொழுந்தும் வில்வ பத்திரமும்
மருவும் மரிக்கொழுந்தும் வாடாத புட்பங்களும்
புன்னை கொன்னை பூக்கள் எல்லாம்
கொண்டு வந்து கொண்டை மாலை
தண்டை மாலை சோபனச் சுடர்மாலை
ஆடை ஆபரணம் அலங்கிருதம் மிகச்செய்து
திட்டமுடன் பேழைதனில் சோறுநிறை நாழிவைத்து
நட்டுமெட்டுத் தான்முழங்க நாட்டார்தன் நாட்டுக்கல்லை
நன்றாய் வலம்வந்து நலமாக நிற்கையிலே
செஞ்சோறு ஐந்துஅடை சிரமதைச் சுற்றித்
திட்டி கழித்துச் சிவசூரி யனைத்தொழுது
அட்டியெங்கும் செய்யாமல் அழகுமனைக்கு வந்து
மணவறை அலங்கரித்து மன்னவரைத் தானமர்த்தி
இணையான தங்கையரை ஏந்திழையைத் தானழைத்துச்
மந்தாரை மல்லிகை மருக்கொழுந்து மாலையிட்டு
ஆடை ஆபரணம் அழகுறத் தான்பூண்டு
கூறை மடித்துவைத்துக் குணமுள்ள மங்கையவள்
பேழைமூடி தான்சுமந்து பிறந்தவனைச் சுற்றிவந்து
பேழைதனை இறக்கிவைத்துப் பிறந்தவளை அதில்நிறுத்தி
கூறைச்சேலைத் தலைப்பைக் கொப்பனையாள் கைப்பிடித்து
மாப்பிள்ளை கக்கத்தில் மறுமுனையைத் தான்கொடுத்து
அருமைப் பெரியவர் அழகுமாப் பிள்ளைகையை
அரிசியில் பதியம்வைத்து ஐங்கரனைப் பூசித்து
மங்கல வாழ்த்துக்கூற மணவறையில் குடிமகனுக்குச்
செங்கையால் அரிசியள்ளிச் சிறக்கக் கொடுத்திடுவார்
வேழ முகத்து விநாயகர் தாள்பணிந்து
சந்திரரும் சூரியரும் சபையோர்கள் தானறிய
இந்திரனார் தங்கை இணையோங்க வந்தபின்பு
அடைக்காயும் வெற்றிலையும் அடிமடியிற் கட்டியபின்
முன்னர் ஒருதரம் விநாயகருக்கு இணைநோக்கிப்
பின்னர் ஒருதரம் பிறந்தவர்க்கு இணைநோக்கி
இந்திரனார் தங்கை இணையோங்கி நின்றபின்பு
தேங்காய் முகூர்த்தமிட்டுச் செல்ல விநாயகனைப்
பாங்காய்க் கைதொழுது பாரிகொள்ளப் போறமென்று
மாதா வுடனே மகனாரும் வந்திறங்கிப்
போதவே பால்வார்த்துப் போசனமும் தான்அருந்தித்
தாயாருடை பாதம் தலைகுனிந்து தண்டனிடப்
போய்வா மகனேஎன்றார் பூங்கொடிக்கு மாலையிடப்
பயணமென்று முரசுகொட்டப் பாரிலுள்ள மன்னவர்கள்
மதகரி அலங்கரித்து மன்னவர்கள் ஏறிவரத்
தந்தை யானவர் தண்டிகை மேல்வரத்
தமையன் ஆனவர் யானையின் மேல்வர
நாடியே வந்தவர்கள் நட்சத்திரம் போல்வரத்
தேடியே வந்தவர்கள் தேரரசர் போல்வரப்
பேரணி முழங்க பெரிய நகாரடிக்கப்
பூமிதான் அதிர புல்லாங்குழல் ஊத
எக்காளம் சின்னம் இடிமுரசு பெருமேளம்
கைத்தாளம் பம்பை கனதப்புத் தான்முழங்கச்
சேகண்டி திமிர்தாளம் சிறுதவண்டை ஓசையெழத்
துத்தாரி நாகசுரம் சோடிகொம்பு தானூத
வலம்புரிச் சங்கநாதம் வகையாய் ஊதிவர
உருமேளம் பறைமேளம் உரம்பை திடும்படிக்கப்
பலபல விதமான பக்கவாத்திய முழங்கப்
பல்லக்கு முன்னடக்கப் பரிசுகள் பறந்துவர
வெள்ளைக்குடை வெண்கவரி வீதியில் வீசிவரச்
சுருட்டி சூரியவாணம் தீவட்டி முன்னடக்க
இடக்கை வலக்கை இனத்தார்கள் சூழ்ந்துவரக்
குதிரை மீதிவர்ந்து குணமுள்ள மாப்பிள்ளை
சேனைகள் முன்னே சிறந்து முன்னடக்கக்
கட்டியங்கள் கூறிக் கவிவாணர் பாடிவர
நாட்டியங்கள் ஆடிவந்தாள் நல்ல தேவடியாள்
பாகமாஞ் சீலைப் பந்தம் பிடித்திட
மேகவண்ணச் சேலை மின்னல்போல் பொன்னிலங்க
அடியாள் ஆயிரம்பேர் ஆலத்தி ஏந்திவரப்
பெண்ணு வீட்டார் பிரியமுடன் எதிர்வந்து
மன்னவர் தங்களை வாருங்கள் என்றழைத்து
எதிர்ப்பந் தத்துடன் எதிர்மேளம் முழங்க
உடந்தையாய் அழைக்க ஒருமன தாகிப்
பந்து சனங்கள் பண்புமித் திரர்வர
வந்தனை ஆன வாத்தியம் ஒலிக்கப்
பட்டன் புலவன் பண்பாடி தக்கைகொட்டி
திட்டமாஞ் சோபனஞ் செப்பிமுன் னேவர
அரம்பை மேனகை அணிமிகும் திலோத்தமை
திறம்பெறும் ஊர்வசித் தெரிவையர்க்கு ஒப்பாய்
வண்மைசேர் கூத்தி வகைபெற நின்று
நன்மைசேர் பரத நாட்டியம் ஆடிட
வெகுசனத் துடனே விடுதியில் இறங்கி
வாழ்வரசி மங்கைக்கு வரிசை அனுப்பும்என்றார்
நாழியரசிக் கூடை நன்றாக முன்னனுப்பிப்
பொன்பூட்டப் போகிறவர் பேடை மயிலிக்கு
நல்ல முகூர்த்தம் நலமுடன் தான்பார்த்துப்
பெட்டிகளும் பேழைகளும் பொன்னும் சீப்பும்
பட்டுத்துணி நகையும் பார்க்கக் கண்ணாடியும்
சத்துச் சரப்பணி தங்கம்பொன் வெள்ளிநகை
முத்துச் சரப்பணி மோகன மாலைகளும்
திட்டமுள்ள மங்கையர்க்குத் திருப்பூட்டப் போறமென்று
அட்டதிக்கும் தானதிர அடியுமென்றார் பேரிகையை
அருமைப் பெரியவரும் அன்ன நடையாரும்
பெருகும் வளைக்கையால் பேழைமுடி ஏந்திநின்று
இன்னுஞ்சில பெண்கள் இவர்களைச் சூழ்ந்துவரச்
சென்றுஉட் புகுந்தார்கள் திருப்பெண்ணாள் மாளிகையில்
கொண்டுவந்த அணிகலனைக் கோதையர்க்கு முன்வைக்கக்
கண்டுமனம் மகிழ்ந்தார்கள் கன்னியர்கள் எல்லோரும்
நாட்டில்உள்ள சீர்சிறப்பு நாங்கள் கொண்டுவந்தோம்
பூட்டுமென்றார் தோடெடுத்துப் பொன்னவளின் திருக்காதில்
அடைக்காயும் வெற்றிலையும் அன்பாக மடியில்கட்டி
ஆணிப் பொன்னாளை அலங்கரித்துக் குலங்கோதிச்
சாந்துப் பொட்டிட்டுச் சவ்வாது மிகப்பூசி
ஊட்டுமென்றார் நல்லுணவை உடுத்துமென்றார் பட்டாடை
பொன்பூட்ட வந்தவர்க்குப் பூதக்கலம் தான்படைத்து
அன்பாக வெற்றிலை அடைக்காயும் தான்கொடுத்தார்
தாய்மாமன் தன்னைத் தன்மையுடன் அழைத்து
சந்தனம் மிகப்பூசிச் சரிகைவேட்டி தான்கொடுத்துப்
பொட்டிட்டுப் பொன்முடிந்து பேடை மயிலாட்குப்
பட்டமும் கட்டினார் பாரிலுள்ளோர் தானறிய
ஆரணங்குப் பெண்ணை அலங்கிருதம் மிகச்செய்து
மாமன் குடைபிடித்து மாநாட்டார் சபைக்குவந்து
வலமதாய் வந்து நலமதாய் நின்று
செஞ்சோறு ஐந்துஅடை சிரம்கால் தோளில்வைத்து
நிறைநாழி சுற்றியே நீக்கித் திட்டிகழித்து
அட்டியங்கள் செய்யாமல் அழகு மனைக்குவந்து
மங்கள கலியாண மணவறையை அலங்கரித்து
அத்தியடித் துத்திப்பட்டு அனந்த நாராயணப்பட்டு
பஞ்சவண்ண நிறச்சேலை பவளவண்ணக் கண்டாங்கி
மாந்துளிர்சேர் பூங்கொத்து வண்ணமுள்ள பட்டாடை
மேலான வெள்ளைப்பட்டு மேற்கட்டுங் கட்டிஉள்ள
அருமையுள்ள வாசலிலே அனைவோரும் வந்திறங்கிப்
பொறுமையுள்ள வாசல்தனைப் பூவால் அலங்கரித்துச்
சேரசோழ பாண்டியர்கள் சேர்ந்திருக்கும் வாசலிலே
செம்பொன் மிகுந்தோர்கள் சிறந்திருக்கும் வாசலிலே
வீர இலக்குமி விளங்கிடும் வாசலிலே
விருதுகள் வழங்கிடும் விருப்பமுள்ள வாசலிலே
தரணியில் அன்னக்கொடி தழைத்திருக்கும் வாசலிலே
பன்னீரா யிரம்பேர் பலர்சேர்ந்த வாசலிலே
நாட்கரசு நாட்டி நல்ல முகூர்த்தமிட்டுப்
பேய்க்கரும்பை நாட்டிப் பிறைமண்ணும் தான்போட்டுச்
சாலுங் கரகமும் சந்திர சூரியரும்
அம்மி வலமாக அரசாணி முன்பாக
ஆயிரப் பெருந்திரி அதுவும் வலமாகச்
சுத்தமுடன் கலம்விளக்கிச் சோறரிசி பால்பழமும்
பத்தியுடன் அத்தனையும் பாரித்தார் மணவறையில்
மணவறை அலங்கரித்து மணவாளனை அங்கிருத்தி
அழகுள்ள மணப்பெண்ணை அலங்காரம் பலசெய்து
மாமன் எடுத்து மணவறை சுற்றிவந்து
மகிழ்ச்சியது மீதூற வலதுபுறம் தானிருத்திக்
குலம்பெரிய மன்னவர்கள் குவலயத்தார் சூழ்ந்திருக்க
இராமன் இவரோ! இலக்குமணன் இவரோ!
கண்ணன், இந்திரன், காமன் இவர்தானோ!
கார்முகில் இவரோ! காங்கேயன் இவர்தானோ!
என்றே பாரிலுள்ளார் ஏத்திப் பாராட்ட
அத்தை மகள்தனை அழகுச் செல்வியை
முத்து இரத்தினத்தை முக்காலிமேல் இருத்திக்
கணபதி முன்பாகக் கட்டும்மங் கிலியம்வைத்து
அருமைப் பெரியவர் அன்புடன் வழிபட்டு
மாப்பிள்ளை பெண்ணை மணவறையில் எதிர்நிறுத்திக்
கெட்டிமேளம் சங்குநாதம் கிடுகிடென்று கொட்டியார்ப்ப
மாணிக்க மாங்கல்ய வைடூர்யத் திருப்பூட்டி
மாலைதனை மாற்றி மணவறையில் அமர்ந்தபின்னே
மாப்பிள்ளைக்கு மைத்துனரை வாவெனத் தானழைத்துக்
கலம்பெரிய அரிசிதனில் கைகோர்வை தானுமிட்டுச்
சிங்கார மானபெரும் தெய்வச் சபைதனிலே
கங்காகுலம் விளங்கக் கம்பர்சொன்ன வாழ்த்துரைத்து
மங்கலமும் கன்னிசொல்ல வாத்தியமெலாம் மடக்கி
மறையோர் வேதம்ஓத மற்றவர் ஆசிகூறப்
பிறைஆயிரம் தொழுது பிள்ளையார்க்குப் பூசைசெய்து
அருமைப் பெரியோர் அருகுமணம் செய்தபின்னர்
கைக்குக் கட்டின கங்கணமும் தானவிழ்த்துத்
தங்களுக்குத் தாங்கள் தாரைக்கோர் பொன்கொடுத்து
உரியதோர் பாட்டன் இருவருடை கைதனிலே
தண்ணீர் ஊற்றியே தாரையும் வார்த்தபின்பு
பிரியமுள்ள மணவறையைப் பின்னும் சுற்றிவந்து
செங்கை யினாலே சிகப்பிட்டு இருவருக்கும்
மங்கலக் கலியாணம் வகையாய் முடிந்ததென்று
சாப்பாடு போசனம் சந்தோச மாய்ப்போட
உண்டு பசியாறி உறவுமுறை எல்லோரும்
கொண்டுவந்த பொன்முடிப்பைக் கொடுத்துச் செலுத்துமென்றார்
மண்டலத்தோர் எல்லோரும் மணப்பந்தலில் இருந்து
கலியாணத்தார் தம்மைக் கருத்துடனே அழைத்து
கண்ணாளர் தமையழைத்துப் பொன்னோட்டம் காணுமென்றார்
அப்போது கண்ணாளர் அவ்விடமே தானிருந்து
பணமது பார்த்துக் குணமது ஏற்றுக்
கல்லு வராகன் கருவூர்ப் பணமும்
வெள்ளைப் புள்ளடி வேற்றூர் நாணயம்
சம்மன் கட்டி சாத்தூர் தேவன்
உரிக்காசுப் பணம் உயர்ந்த தேவராயர்
ஆண்மாடை பெண்மாடை அரியதோர் பொற்காசு
ஒருவிழி விழிக்க ஒருவிழி பிதுங்கப்
பலவகை நாணயமும் பாங்காய்த் தெரிந்து
முன்னூறு பொன்முடிப்பு ஒன்றாய் முடிந்தவுடன்
பாட்டன் இருந்து பரியம் செலுத்தினார்
பந்தல் பல்லி பாக்கியம் உரைக்க
மச்சினன் மார்கள் மகிழ்ந்து சூழ்ந்திருக்கச்
சிற்றடிப் பெண்கள் சீர்கள் சுமந்துவரச்
சந்தோ சமாகித் தங்கமுடி மன்னவர்கள்
பந்தச் செலவு பலபேர்க்கும் ஈந்தார்கள்
ஆடுவான் பாடுவான் ஆலாத்தி யுட்பட
நாடிவந்த பேர்களுக்கு நல்ல மனதுடனே
தனிப்பணம் தான்கொடுத்துத் தங்கிஇரும் என்றார்
வாழிப் புலவர்க்கு வரிசைதனைக் கொடுத்துத்
திடமுள்ள பந்தல்கீழ் வந்துநின்ற பேர்களுக்கு
அரிசி அளந்தார்கள் அனைவோரும் தானறிய
கரகம் இறக்கிவைத்துக் கன்னி மணவாளனுக்கும்
புடவைதனைக் கொடுத்துப் பொற்பாய்த் தலைமுழுகிச்
சட்டுவச் சாதம் தளிர்க்கரத்தால் மாப்பிள்ளைக்கு
இல்லத்தாள் பரிமாறி இனிதுண்டு இளைப்பாறிப்
பண்ணை மாதிகனைப் பண்பாகத் தானழைத்து
வில்லை மிதியடிகள் மிகவே தொட்டபின்பு
காலும் விளங்கக் கன்னியைத் தானழைத்து
மஞ்சள் நீராட்டி மறுக்கஇரு அழைப்பழைத்து
மாமன் மார்களுக்கு மகத்தான விருந்துவைத்து
மங்கல சோபனம் வகையாய் முடிந்தவுடன்
மாமன் கொடுக்கும் வரிசைதனைக் கேளீர்
துப்பட்டு சால்வை சோமன் உருமாலை
பஞ்சவண்ணக் கண்டாங்கி பவளநிறப் பட்டாடை
அத்தியடித் துத்திப்பட்டு ஆனையடிக் கண்டாங்கி
இந்திர வண்ணப்பட்டு ஏகாந்த நீலவண்ணம்
முறுக்கு வளையல்களும் முகமுள்ள கொலுசுகளும்
பதக்கம் சரப்பணி பகட்டான காசுமாலை
கட்டிலும் மெத்தையும் காளாங்கி தலையணையும்
வட்டில் செம்பும் வழங்கும் பொருள்களும்
காளை வண்டியும் கன்றுடன் பால்பசுவும்
குதிரையுடன் பல்லாக்கு குறையாத பலபண்டம்
நிறையக் கொடுத்தார்கள் நேயத்தோர் தானறிய!
எல்லாச் சீரும் இயல்புடன் கொடுத்து
அடைவுடன் வரிசைபெற்ற அழகு மணவாளன்
மக்கள்பதி னாறும்பெற்று மகிழ்ச்சியாய் வாழ்ந்திருக்க!
வாழி மணமக்கள் வந்தவர்கள் வாழ்த்துரைக்க!
ஆல்போல் தழைதழைத்து, அருகுபோல் வேர்ஊன்றி,
மூங்கில்போல் கிளைகிளைத்து, முசியாமல் வாழ்ந்திருக்க
பதினாறும் பெற்று பெருவாழ்வு வாழந்திருக்க மகிழ்ந்தார்கள் எல்லோரும்.

கொங்க வெள்ளாளர் - குழாயர் கூட்டம்

குழாயர் கோத்திரத்தின் முதல் காணி கோவிலூர். கோவிலூர் குளித்தலை வட்டத்தை சார்ந்தது.
சேர அரசனுக்கு வேடர்கள், வேட்டுவர்கள் பல துன்பங்களை செய்தனர்.
கோவிலூர் குழாயர் கூட்டத்து குமாரத்தினமால் வேட்டுவர்களை வென்று இலவந்தி (வேளராசி எலவந்தி) கோட்டையை பிடித்தான்.

சேர மன்னன் இந்த வெற்றியை விழாவாக நடத்தினான்.
  
குழாயர் கூட்டத்தினர் தேவ மன்றாடி பட்டம் பெற்றார்கள்.

மன்றாடி பட்டம் என்றால் போரில் வெற்றி பெற்ற வீரமிக்கவருக்கும், மன்றத்தில் வாதாடி வென்றவரையும் குறிக்கும்.

இன்று வரை  இந்த ஐந்து கூட்டத்திற்குள் தான் பெண் எடுத்து, பெண் கொடுத்து வரும் பழக்கத்தினை பெரும்பாலும் கடை பிடித்து வருகிறார்கள்.

குழாயர் கூட்டதை, குழையர் என்றும் சில புலவர்கள்  குறிப்பட்டு இருக்கின்றனர்.

காம்பிலி அம்மன் துதி:

முன்னர் முளைத்த முதுகுடிமக்கள் குழாயரினம் 
நன்னர் குலத்தின் நலம் விழை நாயகி நாமகளே ! 
இன்னல் களைந்தே இனியநல் வாழ்வை இணைத்தருள்வாய் 
கன்னல் மொழியாய்க் கருத்துடைக் காம்பிலித் தாயவளே !!!

கொற்றனூர் காணிப்பாடல் :

"காவல் குழாயன் கதித்த பெரியகுலன்

ஆவல்சேர் ஆந்தை அதிரேசன் - மேவியசீர்

செம்பூத்தன் செட்டியுடன் தென்கொற்றை மாநகர்க்கு

இன்புற்ற எழ்முதன்மை யே "

"ஞாயம் நிலைபெருக்கும் நற்கா வலன்குழையன்

நேயப் பெரியகுலன் நீள்ஆந்தை - ஆயன்

திருவளர் கொற்றைக்குச் சேரன்செம் பூதன்

பெருகுசெட்டி யும்காணிப் பேர் ".

பெரிய கூட்டத்து பட்டக்காரர் வேனாடுடையாரின் ஊராகிய கொற்றையூரில் (சங்கரண்டாம் பாளையம்) முதல் காணியாளர் குழாயர் கூட்டத்தினரே.

குழாயர் கூட்டம், பெரிய கூட்டம், ஆந்தை கூட்டம், சேரன் கூட்டம், செம்பூத்தன் கூட்டத்தினர் ஆகியோர் கொற்றனூரின் காணியளர்கள்..

இவர்கள் தவிர, காவலர் ஆகிய வேட்டுவரும், கொங்கு செட்டியாரும் கொற்றனூரின் காணியாளர்களே.

பெரிய கூட்டத்து வேணாடுடையார் கொற்றனூர் தலைவராக வரும் முன் குழாயர் கூட்டத்தினரின் நிர்வாகமே நடைபெற்றது. மூவேந்தர் வருகையின்போது அமரவதியாற்று வெள்ளபெருக்கால் குழாயர் கூட்ட கொற்றனூர் தலைவர்கள் தேவண்ண கவுண்டரும், அவர் தம்பி கருப்பண்ண கவுண்டரும் நாடுகண் மேட்டுக்குத் திட்டிக் கிடாய் கொண்டு வரத் தாமதம் ஆனதால் வேணாடுடையார் தன் மகனைப் பலி கொடுத்தார் என்றும், அதனால் மிகிழ்ந்த மூவேந்தர்கள் கொற்றனூர் காணியையும், தென்கரை நாட்டு ஆட்சியையும் வேணாடர்க்கு அளித்தனர் என்று வரலாறு ஒன்று கூறப்படுகிறது. அதனால் காணியுரிமை பெற்ற பெரிய கூட்டத்து வேணாடுயார்க்குக் கீழ் பணி புரிய வேண்டிய நிலை ஏற்பட்டது. அவர்களுக்கு கீழ் பணி புரிய விருப்பமில்லாமல், கொற்றனூர் குழாயர் அருகில் உள்ள கொத்தனூர் என்னும் காட்டுபகுதியில் ஊர் அமைத்து, கோயிலும் ஏற்படுத்தினர்.

வேணாடுடயாரை பாட்டுடைத் தலைவராக கொண்ட இரத்தின மூர்த்தி விறலி விடு தூதில்,

"வேண்டுபுகழ்க்

கோமான் குழாய குலத்தில் மிகஉதித்த

சீமான் பெரியண்ண தீட்சணன் "

என்று குழாயர் கூட்ட தலைவரை குறிப்பிடபடுகிறது.

குழாயர் கூட்டத்து காணி பாடல்:

வளமிலகு நாகமலை சென்னிமலை கொல்லிமலை

  வானிலகு ஆனைமலைசேர்

மாசிலா அலகுமலை பன்றிமலை பொன்னூதி

   மலைசெம்பொன் மலைகுடகுடன்

தளமிலகு காஞ்சிமா நதிவானி நள்ளாறு

   தாழ்வில்ஆன் பொருனைலவணம்

தாங்குநதி காவேரி ஆழியாறு உடன்பல

   தருமதென் கரைநாடுகாண்

புளகண்ணை அவிநாசி வைகாவூர் நாடுகீழ்ப்

    பூந்தறை மேல்பூந்தறை

புகழ்கோயி லூர் விளங்கில் கண்டியன் கோயில்நிழலி

    பொற்பமரும் கலியாணியூர்

களபமுள ஆனையூர் குழாநிலை குயபள்ளி

    கருமாபுரம் புத்தரசை

கவசைநிரை யூர் கொற்றை மேவிய குழாயரைக்

    காத்திடும் பெரியம்மனே !" 

வேளராசி  என்பது பொன் குலிக்கி(பொன்குலிக்கி) நாட்டில் உள்ள வேளராசி வடமலைபாளையம், வேளராசி கள்ளிபாளையம், வேளராசி எலவந்தி, வேளராசி வாவிபாளையம் கிராமங்களை உள்ளடக்கிய சமஸ்தானம்.

வேளராசி சமஸ்தானம்  தான், புத்தரச்சல் காணி.

தற்போது, எலவந்தி மற்றும் வாவிபாளையம் கிராமங்களில் பெயருக்கு முன்னால் உள்ள வேளராசியை தமிழக அரசு பதிவேட்டில் இருந்து நீக்கிவிட்டது.
மற்றும், வேளராசி வடமலைபாளையம், வேளராசி கள்ளிபாளையம் கிராமங்களிலும், வேளராசி என்ற அடையாளத்தை அளிக்கும் சதியை தமிழக அரசு சத்தமில்லாமல் செய்து வருகின்றன. 

குழாயர் கூட்டத்தினரின், தொன்மையான வேளராசி என்ற அடையாளத்தை ஒருபோதும் விட்டு கொடுக்க கூடாது.

  

கல்வெட்டு 

"ஸ்வஸ்திஸ்ரீ திரிபுவனச் சக்கரவர்த்திகள் சிரீவிக்கிரம சோழ 

தேவர்க்கு யாண்டு இருபதாவது சோழமாதேவி நல்லூரில் வெள்ளாளன் குழாயரில் அதிசிய சோழன் அரைசன் ஆன மணிகைராயனுக்கு நன்றாகத் திருமண மண்டபத்தில் திருநிலை கால் இரண்டும் படியும் நாட்டு விச்சேன் மணிகைராயனேன் பன்மாகேசுவரர் இரட்சை"

- தொடரும் 

இயற்கை உணவு

அன்றாட வாழ்வில் உடல் ஆரோக்கியத்திற்கு உணவின் பங்கு பற்றி கூற உள்ளேன் ! ! !

மனிதன் வாழ்வில் மிக முக்கியமான இடம் வகிப்பது உணவு.
உணவே ஒருத்தர் எத்தனை காலம் வாழ முடியும் என்பதை தீர்மானிக்கிறது

இயற்கையே நோய் தீர்க்கும் பல அறிய உணவு வகைகளை நமக்கு தந்து இருந்த போதிலும், அதனை சரி வர பயன் படுத்தாததன் விளைவே இன்று மனித குலம் பல்வேறு வகையான நோய்க்கு ஆட்பட்டு மருத்துவமனையே கதியாக கிடக்கவேண்டியசூழ்நிலை ஏற்பட்டு விட்டது...

நமது உடல் நலத்துக்கு தேவையான பல வித ஊட்டச்சத்துகளை தரும் உணவு தானியங்களான கம்பு சோளம், தினை, ராகி, சாமை அரிசி போன்றவற்றை மறந்து விட்டோம்.. வெள்ளை நிறத்தில் அரிசி சாதம்,இட்லி, தோசை என மூன்று வேளையும் சாப்பிடுவது தான் நாகரிகம் என்ற நிலைக்கு தள்ளப்பட்டு விட்டோம்.

இதன் விளைவு, நல்ல உடல் நலதுடன் இருக்க வேண்டிய மனிதன், உடல் நலம் கேட்டு நோயுடன் வாழவேண்டிய நிலை...
 
காலம் காலமாக கடை பிடித்து கொண்டு இருந்த நமது பாரம்பரிய உணவு முறைகளை மறந்து விட்டு, நுண் சத்துக்களும், நார் சத்துகளும் நீக்கப்பட்ட,
கண்ணுக்கு கவர்ச்சியான உணவை சாப்பிடும் போது உடல் உறுப்புகளின் இயக்கதிற்கு போதுமான ஆற்றல் கிடைக்காமல் குளறுபடி ஏற்படும். இதுவே நோய் தோன்ற காரணம் !

மேலும் உணவை உண்ணும் முறையிலும் சமைக்கும் முறையிலும் சரியான முறையை கடை பிடிக்க வேண்டும் ! !
நமது ஆரோக்கியதிற்கு அடிபடையானது உணவும், உண்ணும் முறையும் தான் !
உணவின் தரம் எப்படி இருக்க வேண்டும் ?
எந்த நேரத்தில் சாப்பிடலாம் ?
எவ்வளவு சாப்பிடலாம் ?
எவ்வாறு சாபிடலாம் ?
என்பவற்றை அறிந்து, அதன் படி உணவு பழக்க வழக்கத்தை அமைத்து கொண்டால் நோயின்றி நலமாக வாழலாம் !

ஆனால், நாம் உணவு கோட்பாடுகளை மறந்து விட்டு ஆரோக்கியத்தை எங்கெங்கோ தேடி கொண்டு இருக்கிறோம் ! !

ஆங்கில புத்தாண்டும், நமது பாரத வர்ஷத்தின் கலாச்சார கேடும் !

ஆங்கில புத்தாண்டு என்பது  கிறிஸ்தவர்களின் புத்தாண்டு !
அதை நம் இந்துக்கள் பண்டிகை என்று நினைக்கும் அளவுக்கு நிலைமை மாறி  கொண்டு  இருக்கிறது !

* Pub, Discothe, Dance Bar, Special Club, சென்று கூத்தடித்து கொண்டு  IT துறையினர் நமது கலாச்சாரத்தை கேளிகூத்தாகி கொண்டு இருப்பது வருத்ததிருக்கு உரிய விசயம் ! இதில் பெண்களும் அடங்கும்! அவர்களை பார்த்து மற்றவர்களும் கெட்டு போய் கொண்டு இருகிறார்கள் !

*இரவு 12 மணிக்கு WISH YOU HAPPY NEW YEAR என்று குடிபோதையில் சொல்லுவது தான் அதை விட கொடுமையான ஒன்று !

* நமது கொங்க தேசத்திலும், இந்த விஷம் வேகமாக பரவி கொண்டு இருக்கிறது. குறிப்பாக, நகரத்தில்(நரகத்தில்) வசிப்பவர்கள் கேக் வெட்டுவதும், நல்லிரவு Partyகளுக்கு சென்று குடித்து கும்மாளமடிக்கும் கேடு கெட்ட  மேற்கத்திய கலாச்சாரம் நம்மை ஆட்டி படைத்து கொண்டு இருப்பது  வருத்தமளிக்கிறது.

* பாரத வர்ஷத்தின்  பண்பாடும்,  பரத கண்டத்தின் 56 தேசத்தின் கலாச்சாரமும் நமது  தாய் போல , நமது தமழ் புத்தாண்டை கொண்டாடுவதை விட்டு விட்டு வெள்ளக்கார நாய்களின்  ஆங்கில புத்தாண்டை கொண்டாடும்  மனிதர்கள் கொஞ்சம் சிந்திச்சு பார்க்க  வேண்டும்..

*ஆகம விதிகளுக்கு புறம்பாக புத்தாண்டு இரவு அன்று, பிராமணர்கள் காசு வருகிறது என்று  இந்து கோவில்களில் நடையை  திறந்தால் இழுத்து மூட வேண்டும்.

*பார் போற்றும் பெருமை உடைய  நம் கலாச்சாரத்தையும், பண்பாட்டையும், வருங்கால சந்ததியினருக்கும் உணர்த்தி முன்னோடியாக இருக்க வேண்டிய நாமே இப்படி செய்யலாமா?

ஆங்கில புத்தாண்டை புறகணிப்போம் ! 
நமது பாரத கலாச்சாரத்தை காப்போம் !

என்றும் உங்கள்,

அருண் (எ) ஈ.தமிழ் இளங்கோ 

வளர்ச்சி பாதையில் குஜராத் - ஆனால் ??

சமிபத்தில் தொழில் விசியமாக அகமதாபாத் சென்று இருந்தேன்... வெகுவாக வளர்ந்து நிற்கிறது அந்நகரம்.

*  குஜராத்தில் BRTS(Bus Rapid Transits Service) பேருந்து சேவை மிக அருமையான செயல்திட்டம்,அதாவது BRTS பேருந்து பாதையில் (LANE) அந்த பேருந்து மற்றும் அவசர சிகிச்சை பேருந்து வாகனம் மட்டும் தான் செல்ல முடியும். மற்ற மாநிலங்களில் அவசர சிகிச்சை வாகனத்திற்கு கூட வழி விடாத அவலம் இன்று வரை தொடர்ந்து கொண்டு தான் இருக்கிறது.. 
 தில்லி  & புனேவில் பெயரளவில் இந்த சேவை இயங்கி கொண்டு இருக்கிறது...

* கடந்த 3ஆண்டுகளில் அகமதாபாத்தை சுற்றிலும் 150 மேம்பாலங்கள் கட்டப்பட்டு இருப்பது பெரும் சாதனை தான் !

* Narol Industrial ஏரியாவில் 100க்கும் மேற்பட்ட அடுக்குமாடி குடியருப்புகள் (Apartments)  உயர்ந்து  கொண்டு  இருப்பதை பார்க்கும் போது குஜராத்தின் வருங்கால வளர்ச்சியும் பிரகாசமாக தெரிகிறது !

* கடலில் இருந்து CNG எரிவாயு எடுப்பதால் அங்கு உள்ள ஆட்டோக்கள் குறைந்த கட்டணத்தில் சேவை அளிக்கிறார்கள்.

* ஒரு இஸ்லாமிய ஆட்டோக்காரர் மோடியின் ஆட்சியை வெகுவாக புகழ்ந்தார்,அதுவே மோடியின் நல்லாட்சிக்கு கிடைத்த மணிமகுடம் !

*  குஜராத்தின் வளர்ச்சி போல மற்ற மாநிலங்களும் வளர்ச்சி அடைந்தால் இந்தியாவின் வளர்ச்சியை உலக நாடுகள் தடுக்க முடியாது !

ஆனால், இயற்கை வளங்கள் அழிக்கப்பட்டு தான் வளர்ச்சி அடைகிறது. அப்படி பட்ட வளர்ச்சி நமக்கு தேவையா? என்ற கேள்வி எழுகிறது.

நீதிமன்றம் கடந்து வந்த நொய்யல்

11.02.1998 - Joint Memo Filed in W.P.No.1649/96

26.02.1998 - Order Passed By the Honable High Court In W.p.1649/1996

05.11.2003 - Affidavit Of TNPCB 

05.05.2005 - Appointment Of Expert Committee

10.06.2005 - Reconstitution Of Expert Committee

01.082005 - Appointment Of Monitoring Committee

22.12.2006 - Interim Final Order Passed By the Honable High Court In W.P.No.29791 of 2003

28.04.2008 - Order Passed by the Honable the Honable High Court In W.P.M.P No.811 of 2009 in W.P.No 29791 of 2003

28.04.2008 - Order Passed by the Honable the Honable High Court In W.P.M.P No.812 of 2009 in W.P.No 29791 of 2003

06.10.2009 - Order Passed By the Honable High Court In C.A.No.6776 of 2009

25.01.2010 - Order Passed By the Honable Supreme Court in I.A.Nos.10 & 11/2009 in C.A.No.6776/2009

19.02.2010 - Order Passed By the Honable Supreme Court in I.A.Nos.10 & 12/2009 in C.A.No.6776/2009

28.01.2001 - Order Passed by the Honable High Court in Cont.Petition 1013 & 1068 of 2010 in W.P.No 29791 of 2003

01.01.2011 - 24.05.2011 - Water Readings recorded by PWD at Orathupalayam dam from 01.01.2011 to 24.05.2011 

Will Update Many more details about Noyyal Shortly...